Siglir tar il cuntegn

Header

Navigaziun

purtret da la cussegliera federala Simonetta Sommaruga
Legenda: Ella vuless duas novas collegas en il Cussegl federal. Keystone
cuntegn

Svizra Sommaruga giavischa duas collegas

La cussegliera federala Simonetta Sommaruga vuless che duas dunnas vegnissan elegidas en il Cussegl federal. I na dettia nagin motiv pertge che las dunnas na duessan betg avair ina preschientscha pli gronda en il Cussegl federal che fin ussa.

Bundant la mesadad da la populaziun sajan dunnas. E quai stuess era sa reflectar en la cumposiziun dal Cussegl federal, ha ditg la ministra da giustia en in’intervista cun il «Tages-Anzeiger». I na giaja betg per la dumonda sche dunnas sajan meglras u mendras, uschia Sommaruga.

Dal 1848 fin il 2018 - 7 dunnas

Fin ussa hai dà en tut set dunnas en il Cussegl federal. Elisabeth Kopp, ch'è vegnida elegida il 1984, è stada l'emprima. Tranter la fin dal 2010 (cura che Simonetta Sommaruga ha cumenzà ses uffizi) e la fin dal 2011 (cura che Micheline Calmy-Rey ha demissiunà) eran las dunnas en la maioritad. (Leuthard, Calmy-Rey, Widmer-Schlumpf e Sommaruga). Fin il 2015, cun la demissiun da Eveline Widmer-Schlumpf hai dà trais dunnas en il Cussegl federal. Actualmain èn ellas en duas.
Il parlament svizzer elegia il december dus novs commembers en la regenza. Quels remplazzan Doris Leuthard e Johann Schneider-Ammann.

RR novitads 06:00