I saja bun ch'ils stadis da l'Uniun europeica renconuschian la valur da la solidaritad e respectian era en l'avegnir il dretg internaziunal – e cun quai era la convenziun da Genevra davart ils fugitivs, ha ditg la cussegliera federala Simonetta Sommaruga vers l'agentura da novitads svizra SDA. Da dar in tetg a persunas en privel da vita saja ina da las valurs elementaras da l'Europa. Che las controllas als cunfins vegnan pli fermas, na dastgia betg muntar ch'ils cunfins vegnian serrads per persunas en privel da vita.
Ultra da quai pledescha Sommaruga per proceduras spertas e fairas per requirents d'asil. Quai muntia da pudair integrar pli baud e pli spert las persunas recepidas, e da repatriar spert e consequentamain las persunas che na dovrian nagina protecziun.
La Svizra vegnia vinavant a s'engaschar che quai na sa midia betg.
RR novitads 09:00