Siglir tar il cuntegn

Header

cuntegn

Sommaruga visita Austria Svizra ed Austria vulan far enavant cun politica dal clima

Simonetta Sommaruga è oz sin visita tar ils vischins en l'Austria. La presidenta da la Confederaziun ed il president da l'Austria Alexander Van der Bellen han communitgà suenter lur inscunter, ch'els veglian far enavant cun la politica dal clima.

Cun il tren da notg è Simonetta Sommaruga ida en l'Austria. In fatg ch'il president da l'Austria ha ludà en connex cun il tema ch'els dus han discutà – il clima.

La Svizra vul esser neutrala al clima fin l'onn 2050 e l'Austria fin l'onn 2040. Per cuntanscher questas finamiras stoppian ins ussa cumenzar ad agir e far dapli, ha intunà Sommaruga.

Nus savain tge ch'igl è da far e pudain er accentuar las schanzas commerzialas.
Autur: Alexander Van der Bellen President da l'Austria

Van der Bellen ha er fatg attent che la Svizra e l'Austria sentian l'effect dal clima dubel uschè ferm sco auters lieus, causa ch'i sajan pajais alpins.

Avant che Sommaruga piglia puspè il tren da notg per turnar en Svizra, èn anc planisads inscunters cun il chancelier austriac Sebastian Kurz e cun il president dal cussegl naziunal Wolfgang Sobotka. Infurmaziuns pli detagliadas davart quests inscunters n'èn betg enconuschents.

audio
Per tadlar curt e cumpact
ord Novitads dals 30.01.2020.
laschar ir. Durada: 1 minuta 26 Secundas.

RTR novitads 17:00

Artitgels legids il pli savens