Siglir tar il cuntegn

Header

Navigaziun

Dunna velada.
Legenda: Suenter il chantun Tessin scumonda er il chantun Son Gagl da purtar in vel en il spazi public. Keystone
cuntegn

Svizra Son Gagl decida uschenumnà «scumond da burca»

Il suveran songagliais ha approvà cleramain l'uschenumnà scumond da burca cun 73'830 a 36'948 vuschs. Il suveran è sa decidì cun 66,65% participaziun a la votaziun. Quai rapporta l'agentura da novitads SDA.

Suenter il Tessin è il chantun Son Gagl uschia il segund en Svizra che scumonda da zuppentar la fatscha en il spazi public. Quai ch'è enconuschent sut la scursanida «scumond da burca» è pli concret: in scumonda da zuppar la fatscha en il spazi public, sche quel act «smanatscha u periclitescha la segirezza publica u la pasch religiusa u sociala». Cura ch'i sa tractia insumma dad in tal act smanatschond u periclitond, saja da sclerir da cas a cas, scriva l'agentura da novitads SDA.

La votaziun hai dà, perquai che las partidas giuvnas da la PS, dals Verds e dals Verdliberals han prendì il referendum. Il cussegl dal chantun aveva decidì il scumond da sa velar la fin dal 2017 cun las vuschs da la PCD e PPS.

RR novitads 14:00