Siglir tar il cuntegn

Header

cuntegn

Son Gagl Esther Friedli elegida sco Cussegliera dals chantuns

Esther Friedli vegn elegida sco Cussegliera dals chantuns. En il segund scrutin fa ella cler dapli vuschs che sia contrahenta, Barbara Gysi da la Partida socialdemocratica.

  • Esther Friedli, PPS, 70'499 vuschs
  • Barbara Gysi, PS, 45'293 vuschs.
  • Lukas Adler, senza partida, 5'657 vuschs

Esther Friedli è la successura da Paul Rechsteiner. Il socialdemocrat aveva sa retratg da ses post en la chombra pitschna dal parlament. Cun quai perda la PS er ses sez en quel. Sper Esther Friedli sesa per il chantun Son Gagl Benedikt Würth (AdC) en il Cussegl dals chantuns.

Götte remplazza Friedli

Esther Friedli seseva fin uss en il Cussegl naziunal. Da sia elecziun en il Cussegl dals chantuns po uss profitar Michael Götte (PPS). Tar las elecziuns naziunalas il 2019 era el atgnamain mo il terz remplazzament sin la glista da la PPS. Las persunas avant el – Thomas Müller e Barbara Keller-Inhelder – han gia ordavant annunzià da betg vulair surpigliar il sez liber da Friedli tar sia elecziun. Cun quai po l'um da 43 onns glischnar suenter.

Adattà al tema

video
Philipp Inauen, correspundent SRF, davart l'elecziun da Friedli
Or da Tagesschau dals 30.04.2023.
laschar ir. Durada: 1 minuta 2 Secundas.

RTR novitads 14:00

Artitgels legids il pli savens