Suenter ils uschenumnads cravals da Pasca en la citad da Son Gagl l'onn passà, ha la procura publica relaschà mandats penals cunter 60 persunas. Tranter quellas er intgins minorens. Per il pli èsi ì per donns materials u violaziun da la pasch publica. Ils pertutgads han survegnì chastis da daners. Per gronda part èn las proceduras terminadas. Dus accusads han fatg protesta, quels cas vegnan tractads da la dretgira cirquitala.
Ils 26 da mars ed ils 2 d'avrigl avevi dà grevs cravals a Son Gagl. Pliras 100 persunas eran sa radunadas ed avevan randalà. Igl ha dà donns da plirs 10'000 francs ed in policist è vegnì blessà levamain.