La Polizia da la citad da Son Gagl ha schlià ina party illegala la notg passada. Quai pervi da las mesiras da corona. L’emprim sajan radund 100 giuvenils vegnids ensemen sin ina collina. Cura che la polizia haja schlià questa radunanza, saja la party sa dischlocada en il center da la citad.
En il center sajan radund 250 persunas vegnidas ensemen. Silsuenter haja dà charplinas cun la polizia e donns da material da plirs 10'000 francs. Intginas vaidrinas sajan vegnidas ruttas. In policist saja vegnì blessà levamain. Quai ha la polizia songagliaisa confermà envers l’agentura da novitads Keystone-SDA.
audio
Per tadlar: las novitads da las 06:00
ord RTR Audio dals 27.03.2021.
laschar ir. Durada: 5 minutas 21 Secundas.