Il 2015 aveva il Tribunal federal svizzer sentenzià Hervé Falciani en absenza a tschintg onns praschun. Falciani, in anteriur informaticher da la banca HSBC Svizra, aveva engulà datas da clients da la banca. Grazia a questas datas ha sulettamain la Frantscha surmanà passa 8'000 fraudaders da taglia probabels.
Gia il 2012 aveva la Spagna refusà ina dumonda d'extradiziun da la Svizra. La dretgira spagnola ha argumentà ch'i n'haja dapi l'emprima decisiun betg dà novas raschuns per extradir Falciani. Il Tribunal suprem refusa l'extradiziun perquai ch'ils fatgs per ils quals Falciani è vegnì sentenzià, n'èn betg chastiabels en Spagna.
RR novitads 15:00