La Svizra ha importà 39% damain gas l'october che la media da quest mais dals davos tschintg onns. Quai mussa il portal d'infurmaziuns d'energia da la Confederaziun. L'aura extraordinariamain chauda ha gidà a cuntanscher quest bun resultat – ins ha stuì stgaudar damain.
En tut vul la Svizra duvrar almain 15% damain gas en la stagiun d'enviern ch'ils davos tschintg onns. Questa finamira ha la Svizra surpiglià da l'Uniun europeica. Tenor quella sto la Svizra spargnar 3'997 uras gigawatt gas. En l'october è gia vegnì spargnà 1'130 uras gigawatt, pia 28% da la finamira da l'october 2022 fin mars 2023.
