Il Cussegl federal ha preschentà oz in pachet cun nov mesiras per cumbatter ils auts custs da sanadad. La finamira saja:
audio
Per tadlar curt e cumpact
ord Novitads dals 21.08.2019.
laschar ir. Durada: 8 Secundas.
Per survegnir sut controlla ils custs fa il Cussegl federal pliras propostas al parlament:
- In dals pli impurtants puncts è l'introducziun dad in sistem da pretschs da referenza per generica. Generica èn medicaments nua ch'il patent na vala betg pli. Quels custan en Svizra bunamain dubel uschè bler sco en l'exteriur.
- L'assicuranza da basa duai mo pli restituir il pretsch maximal per medicaments cun la medema substanza activa. Quai pretsch duai l'Uffizi federal da sanada publica fixar.
- Plinavant vul il Cussegl federal introducir in artitgel d'experiment, quel duai pussibilitar projects innovativs che sbassan ils custs - projects ch'èn ordaifer normas legalas.
- Entras quellas mesiras possian ins spargnar tranter 300 e 500 milliuns francs ad onn, ha ditg il Cusseglier federal Alain Berset oz avant las medias a Berna.
audio
Saira: Cassas da malsauns – mesiras per reducir ils custs
ord Actualitad dals 21.08.2019.
laschar ir. Durada: 1 minuta 57 Secundas.
RR novitads 15:00
