Siglir tar il cuntegn

Header

cuntegn

Special Olympic Games Son Gagl Claudio Godly turna cun medaglia e grond plaschair

Dals 16 enfin ils 19 da zercladur han gì lieu ils Special Olympic Games svizzers a Son Gagl. I ha dà 14 differentas disciplinas en las qualas atlets ed atletas cun in impediment spiertal èn sa participads. L'uniun Movimento cun ils manaschis «Uffizina» da Samedan, «Incontro» da Poschiavo e «Buttega» da Scuol èn er stads da la partida cun 23 atlets ed atletas.

Claudio Godly – il stauschaculla 

L'atlet Claudio Godly da Brail è in dals atlets da Movimento che ha prendì part als Special Olympics. Uschia ha el sur plirs dis stuschà en concurrenza cun auters atlets la culla. Sco emprim avevan ses geniturs annunzià el per la disciplina da nudar – suenter han els dentant badà che Claudio ha blera forza e fiss in bun candidat per stuschar la culla. Dapi là ha el alura trenà cun trenaders da Movimento per ils gieus a Son Gagl.

audio
Claudio Godly stauscha cullas als Special olimpics Summer Games
aus Actualitad vom 20.06.2022.
abspielen. Laufzeit 5 minutas 6 Sekunden.

Ina sfida per la coordinatura da sport

Iris Crameri è stada responsabla per l'entira organisaziun e coordinaziun per atlets ed atletas da Movimento. Per che tut giaja endretg als gieus han els stuì preparar bler. Uschia han els trenà mintg'emna las differentas disciplinas cun ils atlets e las atletas. Ina sfida saja stada, da manar tut ils giugaders e giugadras da ballape ensemen per trenar perquai che tuts stattan en in different lieu.

Ina ulteriura sfida saja stada, che intgins atlets han vulì gudagnar ina medaglia, e sche quai na funcziuna alura betg, saja quai ina gronda trumpada per els. Tut en tut hajan dentant tuts in grond plaschair da savair prender part als Special Olympic Games – sajan quai atlets sco era las accumpagnadras.

audio
Iris Crameri davart las sfidas d'organisar il Special Olympic
aus Actualitad vom 20.06.2022.
abspielen. Laufzeit 4 minutas 16 Sekunden.
Sche jau pens vi da quests quatter dis ma vegnan las larmas, las emoziuns dals atlets e las atletas èn incrediblas.
Autur: Iris Crameri coordinatura da sport tar Movimento
Iris Crameri e Claudio Godly
Legenda: Iris Crameri e Claudio Godly MAD

RTR actualitad 07:00

Artitgels legids il pli savens

Scrollar a sanestra Scrollar a dretga