Siglir tar il cuntegn

Header

cuntegn

Speculà mal Confederaziun augmenta pretsch per vaccins cunter corona

La Confederaziun che cumpra e reparta ils vaccins cunter Covid-19 augmenta ils pretschs per quests products marcantamain a partir da l’auter onn. Fin uss custava ina dosa 5, da nov duaja ella custar 25 francs. Tenor la «NZZ am Sonntag» è la raschun per quest augment che la Confederaziun haja speculà mal ed oriundamain pensà ch’ils vaccins custian damain.

Las associaziuns da las cassas da malsauns Santésuisse e Curafutura hajan reagì a moda irritada sin l’augment da pretsch. Ellas chapeschian ch’ils commembers sa vilentian, dentant na duajan betg las persunas assicuradas sentir l’augment. Quel stoppia vegnir finanzià ord las reservas da las cassas.

RTR novitads 11:00

Artitgels legids il pli savens