A l’entschatta da la fin d’emna da Tschuncaisma daventa la colonna davant il portal da nord dal Gottard sin l’A2 mintg’ura pli lunga.
Sin l’autostrada A2 tranter Altdorf e Göschenen en direcziun dal Gottard hai colonnas da 15 kilometers. Quai correspunda ad in temp da spetga da sur duas uras.
La via dal pass dal Gottard è serrada pervi da l'enviern ed è uschia nagina alternativa. Rutas alternativas èn:
- A9 Simplon / Grond Son Bernard
- Transport d'autos tras il Lötschberg
- A13 via San Bernardino
Però stagnescha il traffic er sin la ruta da sviament direcziun San Bernardino: Sin l’A13 tranter Landquart e Rothenbrunnen è la colonna creschia sin 10 kilometers. I vegn supplitgà da betg sviar sin las vias localas.
Sin la via principala H13 en la Tumleastga stagnescha il traffic er gia. Automobilists ston quintar da spetgar là passa in’ura. Sin ha H3 tranter Zezras e Masans direcziun Cuira èsi er da quintar cun in temp da spetga da bun in'ura.
En la citad da Cuira è la Via da la caserna actualmain bloccada.
RR novitads 10:00++