Pertutgada da la tschajera eran Genevra, Losanna, la Part sura bernaisa, la Svizra centrala, l'Engiadin'Ota ed il Tessin, quai tenor indicaziuns da MeteoNews.
En la Svizra Bassa è la stgiradetgna stà da vesair bain. Enturn las 4.00 e la glina vegnida cotschna e stada en questa colur fin las 5.23.
Curt avant il punct culminant da la stgiradetgna era la glina «be» 356'877 km davent da la terra. Quai è il pli datiers entaifer l'entir onn. Ils experts discurran qua d'ina superglina.
Proxima schanza il 2018
Tar ina stgiradetgna da la glina è la terra sin ina lingia directa tranter il sulegl e la glina. Il trabant da la terra vegn en la sumbriva dal mund. La stgiradetna totala ha durà 73 minutas. La pli lunga stgiradetgna en Svizra hai dà il zercladur 2011, questa ha durà 101 minutas. La proxima pussaivladad da vesair ina stgiradetgna da la glina totala datti ils 27 da fanadur 2018.
