Siglir tar il cuntegn

Header

cuntegn

Sport da prestaziun e da massa Cussegl federal vul sustegnair pli fitg persistenza en il sport

Legenda: Cussegliera federala Viola Amherd preschenta ils novs criteris per la promoziun ed il sustegn finanzial federal per il sport. Keystone

La Confederaziun vul promover vinavant eveniments gronds da sport. Tenor la nova strategia duain quests events sa drizzar tenor las strategias d'energia, da clima e da la societad da la Confederaziun. Quai per dar impuls persistents. Quai resulta da la nova strategia federala che l'Uffizi federal da sport e Swiss Olympic han elavurà.

Concret munta quai: Uschè bler sco pussaivel duvrar energia regenerabla, emetter uschè pauc sco pussaivel CO₂ – e sche pussaivel gist cun cumpensar las emissiuns restantas. Cifras concretas na datti però betg en il document ch'il Cussegl federal ha deliberà. Però l'annunzia che la Confederaziun collia ses sustegn pli fitg cun questas reglas persistentas.

Er la segirezza da planisaziun duai uschia vegnir augmentada. Per occurrenzas cun in sustegn d'almain 200'000 francs sto il parlament decider mintga trais fin quatter onns.

RTR novitads 15:00;

Artitgels legids il pli savens

Scrollar a sanestra Scrollar a dretga