Siglir tar il cuntegn

Header

cuntegn

Sport da prestaziun Sportistas e sportists han gudagnà dapli ils davos onns

Sportistas e sportists da la Svizra han gudagnà il 2019 dapli paga ch’il 2011. Quai mussa in nov studi da la Confederaziun ch’ha examinà las mesiras da promoziun dal sport en quels onns.

Ina raschun per l’augment vesa il studi en il fatg che la Confederaziun ed ils chantuns han augmentà lur contribuziuns finanzialas per il sport. Las contribuziuns da la Confederaziun per il sport da prestaziun sajan creschidas en quel temp da 43 sin 65 milliuns francs.

Il sport da prestaziun è vegnì pli professiunal.
Autur: Viola Amherd Ministra da sport

Cun il pli grond sustegn finanzial s'hajan er las cundiziuns da rom per atletas, atlets, trenadras e trenaders sa meglieradas.

Gronda part gudogna pli pauc che 40'000 francs

Malgrà la meglra paja: Sportistas e sportists ritgs datti mo paucs en il sport svizzer. Trais quarts da las sportistas e sportists dumandads han inditgà ch’ellas ed els gudognan pli pauc che 40’000 francs cun far sport. Concret han trais atlets inditgà ch’els hajan gudagnà il 2018 dapli ch’in milliun francs cun il sport. Il studi mussa er che sportistas e sportistas da disciplinas olimpicas d’enviern gudognan en media dapli che quels che fan disciplinas da stad.

Il studi mussa er che trenadras gudognan en media 9'500 francs pli pauc che trenaders. Quai correspunda ad in retard da paja da bunamain otg onns.

Davart il studi

Avrir la box Serrar la box

Fatg il studi ha la Scol'auta federala per sport a Magglingen – quella tutga tar l'Uffizi federal da sport.

Basa per l’enquista eran ina retschertga tar 1'151 atletas ed atlets, 542 trenadras e trenaders, 102 funcziunarias e funcziunaris sco er 87 expertas ed experts.

audio
Per tadlar curt e cumpact
ord RTR Audio dals 28.06.2021. Maletg: Keystone
laschar ir. Durada: 1 minuta 15 Secundas.

Ord l'archiv

La seria «Finamiras» mussa differentas sfidas da giuvens atlets sin lur via tar in sportist professiunal. Ultra da las finanzas vai era anc per la sanadad, la scolaziun ed ils caders.

RTR novitads 12:00

Artitgels legids il pli savens