Adina dapli persunas scuvran il passlung, ed uschia datti era pli e pli blers accidents. Sco quai che l'Institut svizzer d'assicuranza d'accidents SUVA scriva, saja il dumber dals accidents sin las loipas svizras sa dublegià aifer 10 onns. Dal 2019 fin il 2021 ha la Suva dumbrà bunamain 2'200 accidents capitads cun far passlung. Per evitar accidents propona la segirada da sa stgaudar bain avant il sport, e da far in curs.
Tips da la Suva per evitar blessuras:
- Sa stgaudar augmenta la capacitad da prestaziun e prevegna a blessuras.
- Selecziunar ina loipa ch'è adattada a las abilitads corporalas ed a la fitness.
- Precauziun: Sin naiv schellada po il franar daventar ina vaira sfida.
- Baiver avunda e sa proveder cun avunda energia.
- S'adattar a la furma dal di e betg sa surstrapatschar.
- S'equipar cun buns chalzers e vestgadira.
Or da l'archiv:
