Tgi che dat ballape en ina liga bassa dastga puspè turnar sin il pastget.
Ins possia puspè cumenzar a giugar en las ligas d'amaturs, scriva la Federaziun svizra da ballape. Era gieus d'amicizia en tut las categorias è puspè pussaivel. Quai vala per gieus en il liber ed en halla. Il venderdi passà aveva la federaziun stritgà tut ils gieus pervi dal coronavirus. Ella menziunescha dentant ch'ils clubs duain anc s'infurmar tar las autoritads chantunalas. Quai vala oravant tut per gieus cun dapli che 150 persunas. Trenaments na valan betg sco occurrenzas e pon perquai vegnir giugads senza valitaziun da la ristga.
Tuttina resta la runda da l'emprima liga da questa fin d'emna spustada. E per la Super League e la Challenge League vala vinavant la pausa.
RTR novitads 14:00