En la televisiun sajan cunzunt las emissiuns d'infurmaziuns stadas popularas. Surtut l'emissiun d'aura haja gì blers aspectaturs. Dentant han era emissiuns cun infurmaziuns pli profundas, sco er atgnas producziuns da televisiun e serias hajan attratg il public, uschia SRF.
Ballape e hockey
L’eveniment ch’ha attratg l’onn passà ils pli blers aspectaturs è stà il gieu da ballape al campiunadi mundial tranter la Svizra e Brasilia, quai cun 1,6 milliuns. Il final dal campiunadi mundial da hockey tranter la Svizra e la Svezia han 1,1 milliuns persunas persequità en la televisiun.
Radio ed online
Radio SRF haja cuntanschì tenor atgnas indicaziuns mintga di 2,6 milliuns persunas. Quai correspunda ad ina quota da participaziun al martgà da 54,6%. Mintg'emna hajan 79% dals abitants da la Svizra tudestga tadlà almain ina giada in dals sis emetturs da Radio SRF.
Tar las purschidas online saja cunzunt la dumonda d'audios e videos s'augmentada. La purschida online haja cuntanschì mintga mais 2,8 milliuns utilisaders. Quai è in plus da 12% cumpareglià cun l'onn precedent.
RR novitads 16:00