Siglir tar il cuntegn

Header

cuntegn

Sport il temp liber 45'000 blessads ad onn pervi da ballape

Mintg’onn sa blesseschan var 45'000 persunas durant dar ballape. Quai correspunda a 2000 lavurantas e lavurants che na pon betg lavurar durant in entir onn. Tenor la statistica che la SUVA ha publitgà èn 93% dals pertutgads umens, 64% èn sut 30 onns. Ils blers accidents succedan entras contact corporal, il pli savens cun sbrajattar ("grätschen"). Er ballachau portan blessuras, tenor la statistica mintg'onn 450 squassadas dal tscharvè.

Accident er da donn per il patrun

Ils accidents na sajan dentant betg mo nausch per ils pertutgads, hai num da la SUVA. Els chaschunian er gronds custs d’accident e perditas per las interpresas che ston desister en media durant duas emnas sin lur lavurant. Mintg'onn fineschan 34 accidents en ina invaliditad.

La SUVA appellescha da calcular endretg il ristg ed il potenzial da dar ballape.

RTR novitads 11:00

Artitgels legids il pli savens