Siglir tar il cuntegn

Header

video
Questas scenas dals «Sports Awards» han commuventà zunt fitg
Or da Sport-Clip dals 12.12.2021.
laschar ir. Durada: 6 minutas 20 Secundas.
cuntegn

Sports Awards 2021 Belinda Bencic e Marco Odermatt èn sportista e sportist da l'onn

Dumengia saira ha la Svizra guardà enavos sin l’onn da sport 2021. Cuppas mundialas, campiunadis mundials u ils gieus olimpics da la stad – las sportistas ed ils sportists svizzers han persvas cun prestaziuns nunditgas. Set dad ellas ed els èn dumengia saira vegnìds onurads cun la statua d’aur. Moderà la gala han Rainer Maria Salzgeber e Sandra Studer.

Las victuras ed ils victurs

  • Sportista da l’onn: Belinda Bencic (tennis)
  • Sportist da l’onn: Marco Odermatt (ski alpin)
  • Most valuable player: Yann Sommer (goli da la squadra naziunala da ballape)
  • Team: Squadra naziunala da ballape svizra
  • Sportista u sportist paralimpic: Marcel Hug (atletica leva)
  • Trenadera u trenader: Edmund Telser (Trenader naziunal da las dunnas mountainbike e velo sin via)

Per la generaziun giuvna, datti la sparta «SRF3 – Best Talent Sport». La victura da quella categoria è la biatleta Amy Baserga. Ella survegn in premi da promoziun en la valita da 12'000 francs.

audio
Bencic ed Odermatt van cun la plima dals Sports Awards
ord Actualitad dals 13.12.2021.
laschar ir. Durada: 5 minutas 49 Secundas.

Dus Grischuns eran nominads

Tranter auter era il mountainbiker Nino Schurter nominà sco meglier sportist da l’onn. El ha gudagnà aur tar il campiunadi mundial da cross-country, ha fatg il quart plaz als gieus olimpics ed è stà trais giadas sin il podest tar cursas da la cuppa mundiala. Durant la gala ha il Grischun communitgà per l'emprima giada uffizial, ch'el vuless sa participar als gieus olimpics il 2024 a Paris.

Il segund Grischun è stà il trenader dal team naziunal da las dunnas da skis alpin, Beat Tschuor. El è stà nominà sco meglier trenader.

Facts and figures

Dapi ch'i dat ils Sports Awards il 1972, è la statua vegnida surdada a sportistas e sports da 38 differentas disciplinas. Las pli bleras trofeas èn vegnidas surdadas a sportistas e sportists che fan atletica leva. Sin il segund plaz è skis, e sin il terz ballape.

Dapli facts and figures qua.

RTR actualitad 07:00

Artitgels legids il pli savens