Siglir tar il cuntegn

Svizra Spustà candidatura per cussegl da l'UNESCO

La Svizra sposta sia candidatura per in sez en il cussegl executiv da l'UNESCO sin il 2019.

Il logo da l'UNESCO.
Legenda: Er pervi da las stentas dals Stadis Unids per in sez en il cussegl executiv ha la Svizra spustà sia candidatura. Keystone

Il Departament federal per fatgs da l'exteriur ha confermà in rapport da la gasetta «Le Matin Dimanche». Oriundamain era ina candidatura prevedida per quest onn.

La candidatura per 2015 aveva la Svizra inoltrà il fanadur 2014. Ins veglia uss sa concentrar sin la renovaziun dal Palais des Nations a Genevra. Latiers duai la Svizra vegnir elegida mesemna en il cussegl per dretgs umans da l'ONU. Perquai desistian ins actualmain da pliras candidaturas al medem mument.

RR novitads 15:00