Tenor la maioritad en il Cussegl naziunal po ina proposta per l’iniziativa d’effizienza vegnir fatga pir cura che l’emprima etappa da la strategia d’energia 2050 è fixada. Ins stoppia enconuscher il cuntegn da la strategia per far ina recumandaziun per la votaziun. Sco l’iniziativa cuntegn era la strategia d’energia federala per il 2050 finamiras d’effizienza. Enfin il 2035 duai il diever da current electric per persuna vegnir reducì per 13% cumpareglià cun l’onn 2000.
Dus projects sumegliants
Perquai dettia quai uss dus projects parallels cun la medema finamira, uschia saja quai necessari da spustar la discussiun davart l’iniziativa, argumenteschan plirs cussegliers naziunals.
RR novitads 12:00