Siglir tar il cuntegn

Header

cuntegn

Squitsch da corona Adina dapli tgirunzas e tgirunzs vulan chalar cun lur mastergn

Pervia dal squitsch immens en la pandemia da corona vulan adina dapli tgirunzas e tgirunzs chalar cun lur mastergn. Quai mussa ina retschertga che l'Uniun mundiala dal persunal da tgira ha fatg. En prest mintga 5avel pajais sa mussia quest trend.

L'uniun mundiala cun 130 pajais commembers va da quai ora ch'il grond burdi da lavur, in equipament manglus, il privel da burnout e stress en general sajan las raschuns persuenter. In grond burdi saja era che var 3'000 persunas che lavuran en la tgira èn mortas en consequenza da corona. Quai saja dentant minimisà massivamain pervia da la mancanza da datas.

Il squitsch tar il persunal da tgira na saja betg acceptabel ed i saja nagina surpraisa che uschè blers sentian il squitsch e decidian, ch'els na possian betg far vinavant lur lavur ch'els charezzian.
Autur: Annette Kennedypresidenta ICN

Situaziun vegn anc pli precara

La situaziun vegnia dentant anc pli nauscha. Gia avant la pandemia mancavan bunamain 20%, radund 6 milliuns tgirunzas e tgirunzs, entras problems structurals vegnia quella mancanza ussa anc a crescher vinavant.

L'Uniun mundiala dal persunal da tgira pretenda perquai che las regenzas investeschan en la tgira e ch'i vegn purschì meglras pajas, meglras cundiziuns da lavur e sustegn per dumagnar il trauma da la pandemia. Uss dettia anc ina schanza da midar insatge vid la situaziun, il temp saja dentant stgars.

RTR novitads 06:00

Artitgels legids il pli savens

Scrollar a sanestra Scrollar a dretga