Siglir tar il cuntegn

Header

cuntegn

Squitsch da pretsch Swisscom cun pli pauc svieuta en l'emprim quartal

La Swisscom ha fatg l'emprim quartal ina svieuta da 2,74 milliardas francs, quai è in minus da 4,3%. Tenor la communicaziun da Swisscom saja il motiv il squitsch da pretsch permanent. Sut il stritg ha il concern da telecommunicaziun fatg in gudogn net da bunamain 400 milliuns francs.

Finamira resta la medema

La finamira per l'onn resta dentant tuttina. Il concern quinta cun ina svieuta da 11,1 milliardas. Plinavant scriva la Swisscom ch'ella profiteschia da la crisa da corona perquai che blera glieud restia a chasa e lavuria da là. Il mars ha Swisscom dumbrà 70% dapli telefonats via telefonin ch'il favrer. Plinavant sajan er ils servetschs da streaming e da televisiun vegnids duvrads in bun tant dapli.

Ord l'archiv:

Dapi la fin mars lavura er la cumpletta redaziun multimediala da RTR da chasa anora via homeoffice. Co quai è e co quai mida il mintgadi per ils collavuraturs:

Artitgels legids il pli savens

Scrollar a sanestra Scrollar a dretga