Il sindicat UNIA vul sfurzar la Banca naziunala svizra (BNS)d'introducir in nov curs minimal da l'euro. Cun ina resoluziun pretendan ils delegads dal sectur d'industria dals patruns da far communablamain squitsch sin la banca naziunala.
Il schoc dal franc mussia adina pli fitg ses effect destructiv, ha communitgà UNIA suenter la radunanza da delegads extraordinaria. La culpa da la crisa saja la banca naziunala. En la resoluziun crititgescha ella fermamain la direcziun da la BNS. Perquai vul il sindicat midar ora la direcziun da la banca e realisar in curs dal franc acceptabel.
