Siglir tar il cuntegn
Inhalt

Svizra Squitsch sin marschas e damain brevs tramessas

La Posta Svizra ha fatg l’onn passà pli pauc gudogn e svieuta. Il gudogn è sa reducì per passa 13% sin 558 milliuns francs.

In client trametta in pachet tar ina spurtegl modern da la Posta.
Legenda: La Posta cun damain gudogn e svieuta il 2016. Keystone

Sco la Posta Svizra scriva èn las raschuns principalas per la reducziun dal gudogn sajan stadas damain brevs tramessas, il squitsch sin las marschas sco er ils tschains bass.

Stritgà passà 600 plazzas da lavur

La posta ha gia cumenzà il 2001 a stritgar filialas da posta e quest process cuntinuescha fin oz. L’onn passà ha il concern stritgà radund 600 plazzas, ed emploiava la fin dal onn 2016 en tut 43’485 persunas.

Postfinance cun dapli gudogn grazia ad in effect spezial

La banca da la Posta la Postfinance ha pudì augmentar il resultat da gesitiun per 83 milliuns francs sin 542 milliuns. Sco motiv principal numna l’interpresa gudogns ord da la vendita d’aczias e participaziuns. L’onn 2016 ha la Postfinance puspè pudì augmentar ils daners da clients. Suenter ch’ella aveva pers il 2015 anc 2,8 milliardas francs daners da clients ha ella pudì augmentar quels il 2016 per 4,5 milliardas francs.

RR novitads 11:00

La Posta Svizra 2016

  • Il gudogn net da la Posta è sa reducì l’onn passà per 13,5% sin 558 milliuns francs.
  • Era operativ ha l’interpresa nudà in deficit uschia ch’il gudogn d’interpresa è sa reducì per 704 milliuns francs, quai -14%.
  • La svieuta è dentant sa reducida mo levet per 0,4% sin 8,2 milliardas francs.