La cumissiun d’economia dal Cussegl naziunal vul persvader il Cussegl federal da schluccar , pli spert che planisà, las mesiras da corona. Ella ha deliberà pliras moziuns per far squitsch a la regenza.
Cun-responsabel è il commember da la cumissiun e politicher da la PPS Thomas Aeschi.
El na temia betg uschè fitg ch’i dettia qua ina segunda unda d’infecziuns, sco en intgins pajais en l’Asia. Qua saja la situaziun ina autra, ha argumentà Aeschi en la Samstagsrundschau dal Radio SRF. Pli grond starment haja el che l'economia stagneschia.
Aeschi e la cumissiun d'economia dal Cussegl naziunal pretendan d'avrir davent ils 11 da mars tuttas instituziuns publicas, sco per exempel stizuns, ustarias u kinos.
audio
Per tadlar curt e cumpact
ord Actualitad dals 25.04.2020.
Maletg: RTR
laschar ir. Durada: 55 Secundas.