70 collavuraturs e collavuraturas da SRF 4 News ston midar lieu da lavur. En futur vegnan las novitads actualas emessas davent da Turitg empè da Berna. 230 collavuraturs pon restar a Berna. Er en futur vegnan reportaschas fundadas ed analisas producidas en il studio a Berna.
Quai ha decidì la direcziun da Radio e Televisiun SRF il mardi en il rom da la nova strategia dad audio. Sco l'interpresa communitgescha duai dar a Berna in center da cumpetenza per infurmaziun fundada, profundaziun ed analisa.
En il studio da radio a Berna restan la redacziun naziunala e quella da l'exteriur sco er las emissiuns da magazin Echo der Zeit, Rendez-vous ed Info3. La surfatscha da biros che vegn uschia libra a Berna, surpiglia SWI swissinfo.ch, il servetsch da l'exteriur internaziunal da la SSR.
Ord l'archiv da SRF:
RTR novitads 17:00