Siglir tar il cuntegn

Header

cuntegn

Svizra SRF na rapporta strusch da la Svizra latina

Ils radios tudestgs dad SRF han strusch rapportà da eveniments en la Svizra latina. Quai resulta da l'analisa da program che Publicom ha fatg sin incumbensa da l'Uffizi federal da communicaziun.

5 dals 6 emetturs da radio tudestgs sajan sa concentrads en lur emissiuns quasi sulet sin la Svizra tudestga e rumantscha. Da schabetgs en la Svizra franzosa e taliana na saja strusch vegnì rapportà. Dapi il 2014 stagnescha l'attenziun per la Svizra latina sin 2% da tuttas infurmaziuns. In'excepziun saja l'emettur infurmativ SRF4 ch'haja resguardà cun 4% eveniments en la Svizra franzosa e taliana.

Ademplì incumbensa da cultura

Passa in quart da la musica ch'è ida il 2017 sur l'emetturs da SRF è svizra. Sin l'emettur da musica populara, SRF Musikwelle, è mintga segunda chanzun stada indigena. Sin SRF3 e SRF Virus saja entant bunamain in terz da la musica da interprets svizzers. L'analisa da program Publicom crititgescha dentant che tals dus emetturs da sa differenzieschan quasi betg pli areguard ils formats da musica.

RR novitads 16:00

Artitgels legids il pli savens