Siglir tar il cuntegn

Header

cuntegn

SRG SSR Fin il 2024 vegn spargnà e stritgà

L'interpresa vul fin il 2024 realisar in plan da spargn da 50 milliuns francs e stritgar var 250 plazzas da lavur.

Las consequenzas da la crisa da corona augmentan il squitsch da spargn tar la Societad Svizra da Radio e Televisiun SSR. Per l'emprim mez onn 2020 quinta la SSR cun in minus da las entradas da reclama da 65 milliuns francs, cumpareglià cun la medema perioda da l'onn passà.

L'interpresa annunzia perquai in plan da spargn en l'autezza da 50 milliuns francs e da reducir fin il 2024 sur l'entira interpresa 250 da tut en tut 5'500 plazzas da lavur cumplainas. Er Radiotelevisiun Svizra Rumantscha RTR fa part da la SSR. La reducziun da plazzas duai per gronda part succeder cun la fluctuaziun natirala, da relaschar glieud na saja dentant betg exclus, annunzia il schef da la SSR, Gilles Marchand.

RTR novitads 17:00

Artitgels legids il pli savens