La SRG SSR a serrà giu ses onn da fatschenta 2015 cun ina perdita da 90 milliuns francs.
Chaschunà quella haja tranter auter ina decisiun dal Tribunal federal, scriva la SRG SSR. Tenor la decisiun sto l’interpresa pajar sezza la taglia sin la plivalur da las taxas da recepziun. Ina segunda raschun per il minus sajan reservas fatgas per la cassa da pensiun.
Vinavant èn las entradas da reclama da la SRG SSR sa reducidas. Cun franar las expensas haja ella pudì cumpensar questas perditas, scriva la SRG SSR.
Per l'onn current quinta la chasa da medias puspè cun in surpli.
RR novitads 16:00