Siglir tar il cuntegn

Svizra SRG SSR sto spargnar dapli

Suenter in emprim program da spargn da 20 milliuns francs il 2015, sto la SRG SSR spargnar ulteriurs 40 milliuns a partir dal 2016.

Logo da la SRG SSR ed ils subsidiaris.
Legenda: Tenor communicaziun da la direcziun è il progam da spargn inevitabel. Keystone

Per las mesiras da spargn dettia quai 2 raschuns. D'ina vart saja quai la taglia sin la plivalur, da l'autra vart las autas contribuziuns che van ad emetturs privats, communitgescha la SRG SSR.

La taglia sin plivalur

L'avrigl aveva il Tribunal federal decis che la SRG stoppia surpigliar la taglia sin la plivalur e betg pli ils consuments. A la SRG SSR custa quai annualmain 35 milliuns francs.

Dapli daners per ils privats

Il Departement federal per ambient, traffic, energia e communicaziun ha annunzià d'augmentar la cumpart per ils emmeturs privats a las entradas da taxas. Quai sminueschia las entradas da la SRG SSR.

Per RTR munta quai mesiras da spargn da 600’000 francs, per SRF 12 milliuns. I saja da quintar cun scursanidas dal program e reducziuns da plazzas.

RR novitads 11:00