Siglir tar il cuntegn

Header

La SRG SSR sto spargnar.
Legenda: La SRG SSR sto spargnar. Keystone
cuntegn

Svizra SRG SSR stritga definitivamain var 250 plazzas

La SRG SSR resta tar sia decisiun da stritgar plazzas en il rom da las mesiras da spargn. Reducir damain plazzas che las 250 planisadas na saja betg pussaivel, scriva la SSR suenter che la direcziun ha discutà las propostas dal persunal e dal sindicat davart il program da spargn planisà.

Collavuraturs pertutgads da la reducziun da plazzas possian però quintar cun in plan social fair, uschia la SRG SSR.

Suenter l'annunzia da las mesiras da spargn da 40 milliuns francs l'onn, han ils collavuraturs pudì far propostas, co che la redcziun da plazzas pudess vegnir impedida u co che las consequenzas pudessan vegnir mitigadas.

Era RTR è pertutgada cun reducziun da program

RTR vegn ad avair en ils proxims onns radund 600'000 francs pli pauc a disposiziun. Spargnà vegn tar las investiziuns tecnicas, tar projects gronds e tar il program.

  • il gieu auditiv quotidian «Vita capita» vegn abolì la stad 2016
  • l'emissiun trilingua davart il maraton da skis engiadinais vegn realisada il 2016 per l'ultima giada
  • la purschida online per uffants «simsalabim» vegn abolida, respectivamain integrada parzialmain en la purschida online dal «Minisguard»
  • la retscha da concerts «Chant au tour» na vegn betg continuada

Reducir 1,3 plazzas senza relaschadas

Relaschadas n'èn betg prevesidas. Dentant reducescha era RTR ses volumen da persunal per 1,3 plazzas (tar in total da radund 130 plazzas cumplainas). La reducziun duai vegnir realisada cun optimar ils process ed en il rom da la fluctuaziun

RR novitads 11:00

Dapli da Svizraavrir la Landingpage

Nach links scrollen Nach rechts scrollen