Chaliras èsi dentant era stà en il chantun Argovia, cun per part fin 35,8°C. Ma era a l'eroport da Turitg ha il termometer mussà 35,7°C. Da las temperaturas da record da l'onn 2003 èn ins dentant tuttina anc lunsch davent. Ils 11 d'avust dal 2003 era vegnì mesirà a Grono en il Mesauc 41,5°. Quai è anc adina il record absolut per l'entira Svizra.
Tenor Meteo Svizra vegni ils proxims dis levet pli frestg e la tendenza d'urizis s'augmenta in zic.Sin la fin d'emna van las temperaturas dentant puspè ensi. Ils meteorologs spetgan vinavant temperaturas da sur 30°C. La plievgia che fiss pli che necessaria n'è vinavant betg en mira. Quai pudess anc engrevgiar la situaziun da la setgira per il proxim temp.
RR novitads 20:00