Er en Svizra n'èn para betg tut las punts en in bun stadi. Tenor in rapport da l'uffizi federal da vias ASTRA ston 40 punts vegnir sanadas, perquai ch'ins ha constatà donns pli gronds vi dals elements.
Quai correspundia 1% da tut las punts, scrivan las gasettas da la dumengia. Il 2016 saja quest dumber schizunt anc stà pli aut cun 69 punts.
Experts quintan ch'ils custs per sanar e mantegnair las punts en Svizra vegnan a sa dublegiar aifer ils proxims 30 onns. Passa 4500 punts d'autostrada stoppian vegnir sanadas, perquai che la mesadad dad ellas è pli veglia che 35 onns.