Siglir tar il cuntegn

Svizra Stadler Rail dastga furnier 52 trens a Berna

La societad da viafier BLS cumpra 52 trens da l’interpresa svizra Stadler Rail, uschia ha il president dal cussegl d’administraziun Peter Spuhler ed il CEO da la BLS Bernard Guillelmon suttascrit in contract correspundent.

Tren da la BLS.
Legenda: Trens da la BLS gia en funcziun (maletg d'archiv). Keystone

La Confederaziun, ils chantuns ed il cussegl d’administraziun da la BLS avevan gia concedi ils meds finanzials necessaris, hai num en ina communicaziun. Cun la cumpra dals trens novs dal tip Flirt saja il mantegniment pli simpels e l’engrondiment dal traffic regiunal en il chantun Berna garanti, scriva la BLS.

Investiziun en rait pli gronda

La cumpra vala sco conferma da la nova strategia da la viafier regiunala. Quella vul schlargiar ses territori d’acziun, quai sin donn e cust da las Viafiers federalas svizras. Ils proxims mais vegn l’Uffizi federal da traffic a decider davart in nova repartiziun da las lingias da tren. Ils emprims trens novs duain charrar en trais onns sin la rait da la BLS.

RR novitads 16:00