Stadler Rail ha gudagnà ina concurrenza en Pologna. Sch'i na dat il decurs dals proxims diesch dis nagins recurs, po il constructur da trens furnir dudesch trens electrics dal tip Flirt per il traffic a lunga distanza da la PKP Intercity. Plinavant duai Stadler vegnir incumbensà cun il mantegniment dals trens per ils proxims 15 onns, ha Stadler communitgà.
Detagls finanzials vulan els pir far enconuschent, cura ch'il contract è sut tetg. Dapi il december 2015 èn gia 20 trens a lunga distanza da Stadler en circulaziun per PKP Intercity.
RR novitads 15:00