Territoris da skis e lieus turistics cun fullas da glieud – quai è in maletg ch'ins vesa onn per onn. Pervi dal coronavirus fa quel maletg quest onn dentant dapli quitads che uschiglio.
Ina sfida per ils chantuns
SRF Espresso ha fatg retschertgas en differents chantuns per guardar, sch'ils chantuns èn preparads per l'enviern extraordinari.
Tut ils chantuns, er il Grischun, han sin il radar che quai saja ina sfida quest enviern. En cas che persunas en vacanzas ston ir en quarantina vala il suandant:
- Tgi ch'è cun auto privat en vacanzas duai ir a chasa a star en quarantina, sche pussaivel.
- Igl è pussaivel da passentar la quarantina en ina chombra d'hotel (custs sto mintgin surpigliar sez).
- I vegn organisà il transport a chasa, sche giavischà (custs sto mintgin surpigliar sez).