Las pendicularas grischunas fan bilantscha positiva dal cumenzament da la stagiun d'enviern: Cumpareglià cun l'onn passà è il dumber dals giasts s’augmentà per 11,1% tranter ils 26 da december 2019 ed ils 2 da schaner 2020. Quai è in nov record, sco las pendicularas grischunas han communitgà. Las svieutas da transport èn s'augmentadas per 9,2%.
Profità da quest svilup positiv hajan tut las regiuns dal Grischun. Il pli ferm Tavau/Claustra e l'Engiadina.
Cumpareglià cun la media dals ultims tschintg onns è il dumber dals giasts schizunt creschì per passa 23%. Questa cifra saja però da relativar cunquai che las stagiuns 14/15 e 17/18 sajan stadas in toc sut la media.
Il monitur da las Telefericas dal Grischun cumpiglia 23 interpresas u 90% da la svieuta da transport grischun.
RR novitads 16:00