Tant l'immigraziun dals pajais da la Uniun europeica, da la Efta sco era quella dals pajais terzs è ida enavos. Uschia ha il secretariat per migraziun communitgà. L'emprima mesadad da l'onn èn bun 63'000 persunas sa chasadas en Svizra. Il medem mument èn stgars 36'000 persunas puspè idas ord la Svizra ad abitar. Concret è la differenza tranter las persunas ch'èn vegnidas en Svizra e quellas che han bandunà la Svizra tranter il schaner ed il zercladur tar 25'000 u er tar minus 0,8%.
Vegnir per lavurar
Dapli che la mesadad da las persunas ch'èn immigradas en Svizra èn vegnidas per lavurar. Cumpareglià cun l'onn passà èn dapli persunas vegnidas a lavurar en ils secturs d'industria, da mastergn e da servetsch.
RR novitads 17:00