Siglir tar il cuntegn

Header

cuntegn

Statistica da praschun Uschè paucs en arrest sco dapi diesch onns betg pli

  • L'entschatta dal 2021 eran uschè paucas persunas en praschun en Svizra sco dapi diesch onns betg pli.
  • Sin 100'000 abitantas ed abitants eran 73 persunas en arrest.
  • La gronda maioritad eran tenor l'Uffizi federal da statistica umens: numnadamain 93 da 100.

Cumpareglià cun avant in onn eran bain 4,4 pertschient dapli persunas en arrest da segirezza u arrest d'inquisiziun, il dumber è creschì da 1'902 sin 1'986. En tut las ulteriuras furmas d'arrest èn las cifras dentant idas enavos.

La pli clera reducziun hai dà tenor la statistica tar las persunas, ch'eran en praschun perquai ch'ellas avevan cuntrafatg a la lescha d'esters e d'integraziun. Per var in terz èn ils dis d'arrest ids enavos en quest sectur.

Praschuns han anc plaz

Dals total 7'397 plazs d'arrest en Svizra, eran 85,4 pertschient occupads l'entschatta da quest onn. Uschè bler plaz en praschuns hai dà la davosa giada il 2003.

Tar il dumber da praschuniers ed arrestads – avevi il 2011 la davosa giada damain persunas davos ils mirs da praschuns svizras ch'ussa.

Avant in onn – Dal Sennhof a Tignez:

video
Dal Sennhof a Tignez – ina praschun fa midada – mit deutschen Untertiteln
Or da Cuntrasts dals 08.03.2020.
laschar ir

RTR novitads 11:00

Artitgels legids il pli savens

Scrollar a sanestra Scrollar a dretga