La populaziun Svizra mussa adina damain interess per entrar en L'Uniun europeica (UE). Il pli grond è quest svilup tar persunas giuvnas tranter 18 e 34 onns. Ellas eran ina giada quella gruppa da vegliadetgna ch'era la pli averta, sch'i gieva per l'UE. Ussa è ella la gruppa la pli pauc entusiastica. Sco ch'ina analysa da datas da studis da Selecta mussa, è e la sminuziun da sustegn frappanta. 1995 vulevan anc 59,2% da las persunas giuvnas che la Svizra entria en l'UE – 2019 eran quai be pli 6,5%.
Tenor il politgeograf Michael Hermann ha questa sminuziun massiva pliras raschuns: La generaziun giuvna saja vegnida socialisada, cura che l'entrada en l'UE n'era betg pli in tema. Perquai n'hajan els betg in'opiniun ferma sur da quel tema. Tenor il professur da l'Universitad da Berna Fabio Wasserfallen na vesian il giuvens betg ils avantatgs da 'UE – saja quai en il champ economic u politic. Ed ils acquists da l'UE sco il viagiar liber vegnian vesids sco chaussa natirala.
Betg be giuvens e giuvnas critics
Er en tut las autras gruppas da vegliadetgna è il stustegn per l'entrada en l'UE sa reducì fermamain. La gruppa cun l'opiniun la pli positiva èn anc quels sur 65 onns. Ma era da quels èn be pli in da tschintg per l'entrada.
Er tenor partida politica è il stustegn per l'entrade en l'UE ì enavos ferm. Il pli cler tar votants e votantas da la PLD. 1999 eran 65% dad els per l'entrada, 2019 be pli 18,4%. Tar ils votants per ils Verds da 79,6% sind 33,3%. Il pli grand entusiasem chattins tar electurs ed electuras da la PS. Là èn anc 43% per, 1999 eran quai 87,5%.