L'enquista ha l'Uffizi federal da statistica fatg tar persunas tranter 15 e 40 onns. Quella mussa plinavant, che persunas giuvnas en la Svizra taliana e franzosa èn pli sveltas da bandunar lur dachasa.
Cun 21,5 onns è la mesadad da las dunnas gia or da chasa
Tar ils umens succeda quai pli ch'in onn suenter, exact cun 22,8 onns. Cun 25 onns è la differenza tranter umens e dunnas lura pli gronda: en questa vegliadetgna èn 83% da las dunnas davent da chasa, e 68% dals umens. Ed er cun 30 onns è la differenza anc qua, dentant cun 7% è la differenza tranter las schlattainas pli pitschna.
Plinavant chatta l'Uffizi federal da statistica che persunas cun furmaziun d'ina scola auta bandunan in pau pli baud lur dachasa, e che las persunas cun las annadas 1988-2002 han bandunà lur dachasa tendenzialmain pli tard che persunas cun las annadas 1978-1987.
