Siglir tar il cuntegn

Header

In requirent d'asil en in aloschi.
Legenda: Il status da requirents d'asil recepids provisoric vul il Cussegl federal megliurar. Keystone
cuntegn

Svizra Status da protecziun: Sanestra giubilescha – Dretga crititgescha

Las propostas dal Cussegl federal d'introducir in nov status per requirents d'asil recepids provisoricamain cuntentan sulettamain a la sanestra. Las partidas burgaisas èn trumpadas.

Las propostas fatgas dal Cussegl federal da reglar il status per requirents d’asil recepids provisoricamain frunta sulet tar la Sanestra sin bainvulientscha. Per las partidas burgaisas PCD PLD e PPS na correspundan las propostas betg a las miras ed augmentan l'attractivitad da la Svizra per ils uschè numnads fugitivs economics.

Il cusseglier naziunal tessinais dal PCD Marco Romano n’è betg cuntent cun las propostas fatgas. Il Cussegl federal discurria sulet da persunas che basegnan protecziun. Ma era gist blers fugitivs economics sajan tranter las persunas recepidas provisoric, ha ditg Romano a SRF. Cun questas midadas gudognia la Svizra attractivitad per fugitivs economics. En la medema crenna dat era la PLD e la PPS.

Ina midada fundamentala è necessaria

Il directur dal secretariat statal per migraziun Mario Gattiker beneventa ina midada fundamentala. Ma era el accentuescha che cun questas midadas na dastgia l’attractivitad da la Svizra per fugitivs betg crescher.

La partida socialdemocratica sa mussà satisfatga da las midadas proponidas. La Svizra haja in grond interess che persunas che restan plirs onns en Svizra vegnian integradas svelt e possian era lavurar, scriva la PS. La partida verda pretenda dapli simplificaziun. Uschia duai surtut la reuniun da famiglia vegnir simplifitgada.

RR novitads 18:00

Artitgels legids il pli savens

Scrollar a sanestra Scrollar a dretga