Siglir tar il cuntegn

Header

Utschè che survegn da magliar cun ina pincetta.
Legenda: Perquai che la glieud è stada pli attenta durant il lockdown, ha la Staziun ornitologica a Sempach survegnì dapli utschels blessads per tgirar. Keystone
cuntegn

Staziun ornitologica Sempach Tgirà il 2020 tants utschels sco anc mai

Var 1'700 utschels blessads u flaivlentads ha la Staziun ornitologica a Sempach tgirà il 2020. Quai èn tants sco anc mai. Quai haja era da far cun la pandemia da corona. Surtut durant il lockdown da la primavaira saja la populaziun stada pli attenta ed haja fatg bleras dumondas sur d'utschels a la Staziun ornitologica. La mesadad dals utschels che sajan vegnids surdads, sajan stads utschèls giuvens.

Suenter la tgira puspè en la natira

Il pli savens ha l'observatori d'utschels prendì encunter l'onn passà paslers da chasa, merlotschas e randurels pitschens. Ils animals che vegnan dads giu, vegnan tgirads en la Staziun ornitologica e silsuenter puspè mess or en la natira. Blers dals utschels sajan dentant stads talmain flaivlentads ch'els sajan morts. Raschun per accidents d'utschels èn il pli savens collisiuns cun fanestras da vaider u cun vehichels.

Ord l'archiv:

RTR novitads 10:00

Artitgels legids il pli savens

Scrollar a sanestra Scrollar a dretga