Siglir tar il cuntegn
cuntegn

Svizra Stockholm fida a la construcziun svizra

L'interpresa da construcziun svizra Implenia bajegia ina staziun da bus en l'intern dal culm Katarinaberg a Stockholm, in project spectacular.

logo da l'interpresa Implenia
Legenda: Incumbensa spectaculara per l'interpresa svizra en la Svezia. Keystone

Il project è part da la furmaziun nova dal punct central da traffic Slussen ed haja in volumen da 80 milliuns francs, uschia communitgescha Implenia. La nova staziun da bus duai vegnir averta il 2023.

La nova staziun duai consister da trais chombras en il grip cun in'autezza da fin a 24 meters. Persuenter ston radund 270'000 meters cubic grip vegnir siglientads e transportads ord il culm. Sper questas lavurs è Implenia er responsabel per construir ils tunnels da coliaziun e gallarias da rampa. Las lavurs dad Implenia duain cumenzar anc quest mais e durar fin il 2021. Las construcziuns internas tutgan lura ad autras interpresas.

RR novitads 09:00