Siglir tar il cuntegn
Inhalt

Svizra Stop da medis prolungà

Il Cussegl federal prolunghescha il stop d'admissiun per medis fin la stad dal 2021. Damai ch'ina soluziun definitiva n'è anc betg concludida è il Cussegl federal d'accord da prolungar la regla provisorica fin la stad dal 2021, en sasez fiss ella scadida la fin zercladur da l'auter onn.

Medi controllescha cun cazzola bucca da pazient.
Legenda: Il stop d'admissiun era vegnì introducì pervi da dubis davart la qualitad da medis e medias da l'exteriur. Keystone

Las cumissiuns da sanadad dad omaduas chombras han vulì prolungar il stop d'admissiun limità per dus ulteriurs onns. Entaifer quest temp duai vegnir elavurà ina soluziun definitiva.

Cussegl federal propona dumber maximal

Il matg ha il Cussegl federal proponì da limitar il dumber da medis e da metter pli autas pretensiuns als medis e las medias. Per champs spezials duajan ils chantuns pudair prescriver dumbers maximals.

La proposta è uss par mauns da la cumissiun dal cussegl naziunal. Lezza vul tranter auter agiuntar a la lescha ulteriuras cundiziuns. Tranter auter duajan be medis che sa participeschan al sistem da dossiers da pazients electronics far giu quint sin donn e cust da l'assicuranza da basa.

RR novitads 11:00