Il Cussegl dals chantuns è - sco il Cussegl naziunal - d'accord da prolungar l'uschènumnà stop da medis. Cun quai vul el evitar ch'il dumber da medis spezialisads creschia andetg. Il stop da medis vala dapi il 2001.
Tenor quest stop dependa l'admissiun da novs medis dad in basegn. El vala però be pli fin la fin da quest mais. Per ch'il Cussegl federal ed il parlament hajan temp avunda dad elavurar in'alternativa duaja il stop da medis ussa anc ina giada vegnir prolungà per 3 onns.
RR novitads 18:00