Siglir tar il cuntegn
cuntegn

Svizra Stop da medis vegn prolungà fin il 2021

La proposta da prolungar il stop da medis era vegnida da la cumissiun da sanadad dal Cussegl naziunal. La prolungaziun fin il 2021 duai pussibilitar, d'avair dapli temp per chattar ina soluziun definitiva.

Purtret d'in medi che va dad ina stgala si.
Legenda: Il stop da medis vegn prolungà fin il 2021. Keystone

Il provisori vala – cun interrupziuns – dapi il 2001. La fin dal 2015 aveva il Cussegl naziunal refusà da fixar il stop d'admissiun per medis en la lescha. Dapi lura vegn lavurà vi dad alternativas. Il 2019 va il reschim d'admissiun actual a fin, in nov n'è anc betg vegnì elavurà.

Il Cussegl federal aveva proponì ina soluziun il matg. Quella pretenda ina regulaziun dal dumber e pretaisas pli autas dals medis e da las medias. Ils chantuns duain pudair fixar in dumber maximal en champs spezials e regiuns. Il Cussegl naziunal discutescha questa proposta vers la fin da la sessiun d'enviern.

RR novitads 10:00